Salud

Minister Dangui : Oduber :Nos ta sigui inverti den cuido

8Fa9Ef85 E013 43Bb Bad6 3F132Bf30Ee5

Nos ta sigui inverti den cuido apesar di e pandemia. A sigui inverti den IMSAN pa prepara cambernan pa patient

Recientemente minister Dangui Oduber tawata na IMSAN pa asina conmemora y celebra cu Imsan a trata e anja aki 100 patient caba di radio terapia. Minister Oduber desde cu a drenta gobierno a pone hopi cla kiko ta e vision y maneho.
Nos vision ta dirigi riba mehoracion di cuido, mehoracion di e calidad y servicio y percura pa nos por trata nos patientnan mas tanto posibel na Aruba mes. Di e forma aki a inverti mas di 60 miyon florin den e proyecto di expansion y renobacion di IMSAN. Nos a inverti den e centro di radio terapia pa por trata nos patientnan aki na Aruba mes envez di mester manda nan afor pa tratamiento. Nos tin actualmente e mihor equiponan y tambe e mihor docternan pa trata nos patientnan y ta algo cu nos tur na Aruba mester ta hopi orguyoso di dje.
Pa hopi anja IMSAN tawata dispone di cambernan pa shortstay pa patientnan cu nunca a wordo usa pa motibo di falta di boluntad y inversion di e gobierno anterior. Nos gobierno a kere semper firmemente den e desaroyo di San Nicolas y tambe di Imsan.
Nos a percura pa pone fondonan disponibel pa haci e inversion necesario pa prepara 12 camber cu lo brinda capacidad na 22 cama pa patientnan por overnight na IMSAN. Esaki ta otro logro grandi di nos ministerio pa asina cumpli cu nos maneho y vision pa trece cambionan instrumental den cuido medico.
Entrante april 2021 ora e proyecto di cambernan wordo finaliza y entrega imsan por haci operacionan y patientnan por keda eynan mes. Esaki lo brinda nos pais mas camber y mas capacidad di cuido cu ta hopi necesario y importante.
Apesar di e situacion di crisis y e pandemia nos ta keda inverti den cuido medico pa asina brinda nos hendenan e mihor servicio y cuido posibel. Nos kier a felicita sr Rajnherc y henter e staff y personal di Imsan pa nan compromiso cu cuido medico y IMSAN.
E ta yena mi di satisfaccion pa mira e cambionan positivo aki y trece cambio y mehoracion den cuido medico. Nos ta cumpli cu e mandato conforme nos programma di gobernacion.

MINTVS

Related posts

Awo HOH cu tratamento pa kibra verkalking den ader

EA News Author

Aruba ta conoce 5 caso di covid di e variante di inglatera

EA News Author

Crisis Team cautelosamente ta flexibilisa algun medida

EA News Author

Leave a Comment

Whatsapp Message