Durante e celebracion di varios dia festivo di gran importancia historico-cultural pa Aruba, incluyendo e dia di Betico Croes, Henny Eman y Watty Vos, e Prome Minister di Aruba y Minister di Cultura, Mike Eman, no lo ta presente pa duna un discurso oficial.
E ausencia di e Prome Minister durante e commemoracionnan aki lo genera pregunta den comunidad, considerando cu e mes ta un lider cu profundo conocimiento di historia di Aruba y cu su propio famia ta conecta directamente cu e lucha historico di e pais.
Na mes momento, Minister Gerlien Croes, cu normalmente lo mester funciona como vice prome minister di Aruba ora prome Minister no ta na Aruba, pero den e caso aki e ta na Aruba pero tog Minister Gerlien Croes kier show como Vice prome Minister
di Aruba, lo ta esun cu lo duna discurso riba Dia di Betico , cu ta celebra dia 25 di januari. Esaki ta causa reaccion den varios sector di sociedad, debi cu minister Croes no ta Minister di Cultura y su postura politico di ta contra status aparte y pro HOFA no lo keda aprecia pa su presencia riba plaza Betico Croes .
Criticonan ta indica cu esaki ta crea un contraste di balornan, considerando cu Betico Croes ta simbolisa lucha pa autonomia y identidad nacional di Aruba y Minister Gerlien Croes ta net lo contrario kier caba cu e lucha di status aparte y kier Rijkswet HOFA y pone Aruba bou Hulanda , acaso hipocresia lo wordo hunga riba plaza libertador Betico Croes ? e mensahe cu lo wordo comparti riba un fecha asina significativo mester ta alinea cu e legado historico cu ta wordo celebra.
A pesar di e controversia, hopi persona lo ta pendiente di e discurso cu minister Gerlien Croes lo pronuncia durante e celebracion oficial di Dia di Betico Croes e 25 di januari, un dia cu ta ocupa un luga central den historia y identidad di pueblo Arubiano.