Durante e reunionan reciente di Parlamento, e debate riba desempeño di Minister Gerlien Croes a wordo marca pa critica severo, ta parce cu ta pisca e ta bende riba mercado. Parlamento a bira un escenario unda presentacion di proyectonan tabata mas parce promocion pa hustifica su 8 luna nan den gobierno cu basicamente un siego mes por mira y un sordo mes por scucha cu tur e proyectonan trece ta proyectonan andando caba den proceso cu e yega e momento pa cualkier gobierno sinta implementa.
For di un inicio gobierno di AVP –FUTURO a wordo describi como instabil, el a logra presenta varios proyecto sin cu nan ta e personahenan cu a inicia cu e proyectonan aki , dus practicamente minister Gerlien Croes ta broma cu pluma di otro. Sinembargo, segun oposicion, hopi di e proyectonan aki ya tabata den preparacion y forma parti di un proceso continuo di gobernacion, cu no por wordo atribui exclusivamentemente na e periodo actual door di e gobiernonan anterior.
Ademas, e espacio financiero cu ta permiti pa implementacion di proyectonan awe ta resultado di aña di maneho financiero responsabel, di ex-minister di Finansas, Xiomara Maduro. esaki ta explicita con Aruba por conta cu suficiente presupuestario pa inversion den presupuesto di 2026.
Den fin di aña, cu apenas algun siman resta pa cierre di aña 2025, Parlamento mester trata legislacion importante cu ta determina rumbo di Pais Aruba. E prome reunion a enfoca riba e Ley di LIM, un propuesta cu, segun varios consehonan oficial, tin deficiencianan, particularmente riba reparticion di carteranan ministerial. A pesar di e advertencianan, e ley a wordo aproba.
E segundo dia di reunion a trata un reunion supletorio, unda a surgi pregunta riba falta di transparencia for di Minister Croes. Parlamentario nan a indica cu e minister no semper a brinda informacion completo ni oportuno na Parlamento, cu ta e instancia di control democratico riba gobierno. esaki ta representa un falta di respet pa e rol constitucional di Parlamento y pa e votadonan cu a eligi nan representantenan.
Critica tambe a wordo formula riba obligacion di transparencia tocante biahenan oficial, cu, mester wordo claramente hustifica como sirbi interes di pueblo di Aruba. E ta un deber di cualkier politico pa duna claridad y den e caso aki Minister Gerlien Croes no ta haci esaki. Sinembargo por a compronde cu tin indicacionnan cu keho oficial a bay na ministerio publico pa investiga minister Gerlien Croes mirando cu e mandatario no ta brinda transparencia y cu esaki ta trece un desconfiansa rib su integridad.
Finalmente, ta recorda cu gobernacion ta un proceso continuacion y cu proyectonan nacional ta resultado di planificacion di largo plaso y no den algun luna cu gobierno ta sinta. Sinembargo por a mira un minister Gerlien Croes pa tres dia den parlamento ta grita den parlamento manera cu ta pisca e ta bende den mercado.