Serlimar ta un departamento di gobierno cu por gana hopi placa pa Aruba, awendia sushi ta genera placa, sinembargo Minister Ursell Arends desde cu e la sinta como minister no a percura y no ta percurando pa e departamento aki y cu poco poco e ta keda bay atras. Kico realmente ta e meta pa e departamento aki keda cay atras ? ken otro of con otro e ta beneficia otro y no LandAruba? Sabiendo cu finansa publico mester di entrada.
E Minister Ursell Arends no sa ni cu kico e ta bezig cu ne corda pa drecha e situacion di serlimar. Sinembargo awe por mira minister Ursell Arends ta e minister cu a hisa e cobransa di aumento di sushi na Aruba pa 35 florin y no tin ningun protesta of contra campaña. E pushi preto tras di cortina ainda ta canando den scuridad of e la logra haya e cuminsa? Unda e transparencia y integridad di minister Ursell Arends a keda ?
Segun politico Otmar Oduber e unico cos cu a cambia den serlimar ta e unico 15% di ciudadanonan cu ta percura pa paga pa nan sushi wordo recogi nan sushi a haya un aumento di 40 % y cu nan mester paga. Manera Minister Ursell Arends ta bin ta manehando tur su cartera nan ta mane un gai sin cabes unda cu e la hisa e prijs di recoge sushi sin percura pa pasa e ley den parlamento pa asina por continua e ruta pa independisa serlimar pa un sui generis y asina nan por para riba nan mes un pia y gobierno y nos tur ta beneficia di e entradanan aki pa asina pueblo haya esaki bek y ta yuda e finansas publico di Aruba y yuda paga e debe.
Sinembargo tin un curator cu ta e mes un abogado amigo di minister Ursell Arends cu a pone minister Ursell Arends lanta un caso contra di su mes un gobierno pa despues trek terug y e mes un abogado aki Geert Rap ta abogado di e mes un fundacion Aruba Birdlife Conservation cu ta e mes un abogado cu ta curator den serlimar y ta ricibi placa prome cu serlimar por paga su debenan.
Esaki ta bisto y e mes un mandatario aki kier papia di integridad unda cu den su mes un cauchi e tin caiman ta come y manipula henter un sistema pa beneficio propio?. Mirando e desaroyonan aki ta importante pa minister Ursell Arends wordo investiga debi cu e triangulo aki di sistema di traha no ta confiabel y no ta integro y na final ta Aruba ta keda perhudica.
Pero realmente kico ta e meta cu Minister Ursell Arends a drenta politica ? prome caba cu e la drenta politica den pleno campaña ya tabata negosha tereno pa e hotel cu e tabata traha pe, sigur un les cu e la copia di e politico di mas corupto di Aruba cu MAS y MAS ta hambra pa poder cu a campaña bao di su brasanan y priminti terenonan a cambio di voto. Esaki ta e ehempel cu politiconan corupto ta duna na politiconan nobo cu kier drenta politica na Aruba.
kico ta e principio y e motibo cu a drenta politica ?, mirando e desaroyo aki no ta parce cu ta traha pa comunidad di Aruba mirando cu te dia di awe Minister Ursell Arends no a traha y no a presenta un maneho y plan pa drecha ningun di su departamentonan, esaki ta hole hopi hopi putri y stinki den henter e proceso di gobernacion di Minister Ursell Arends.
E abogado Geert Rap ya caba pa dos aña largo ta cobrando su placa pa dos aña cu e mes un plan di dos aña pasa ta existi y cu mester e ehecuta e ley di Serlimar cu tin 4 aña na parlamento para cu ningun hende no tin e corahe di tuma e ley aki actua riba dje pa asina mehora e situacion di desperdicio aki na Aruba y cu por atende cu tur e problemanan di dump.
Segun politico Otmar Oduber e unico logronan te na e momentonan aki di minister Ursell Arends tabata cu e la cera un dump pa crea mas cu 300 dump ilegal rond di Aruba y di otro banda ta percura pa tin un caos tambe den diferente situacionnan na Aruba caminda cu ta mira cu simplemente no tin atencion di e mandatario pa loke ta trata medio ambiente.
Segun Politico Otmar Oduber na final di dia 2 aña largo minister Ursel Arends no a bin cu ningun ley adicional, no a bin cu ningun maneho pa proteha medio ambiente, pero si ta papia di un cash to trash of ta un trash to cash cu no tin un vision su tras debi cu e realidad ta cu no a percura pa ningun cash drenta y tampoco no a percura pa ningun trash wordo corigi of wordo sanea riba Aruba na e momentonan aki.
Sinembargo manera un gai sin cabes cu pecho na halto ta bay para dilanti di Embassy Suit Hotel yama un rueda di prensa ataca prome minister Evelyn Wever Croes, ataca bo mes un gobierno y bay contra di tur e permisonan cu a keda duna durante añanan largo pa desaroyo di inversionistanan cu ta bin Aruba pa hinca placa pa genera cuponan di trabao pa nos hendenan y di otro banda pa simplemente saca y mustra e arogancia y bati na pecho cu mester pidimi como minister di medio ambiente ontzegging y si no pidimi lo mi para e trabao, asina Minister Ursell Arends a daña y stroba un proceso di desaroyo pa Aruba unda cu a ricibi conseho di e mes un abogado Geert Rap cu ta sinta riba diferente stoelnan di consehero di minister Ursell Arends, curator na serlimar y e mes ta abogado di e mes un Aruba Birdlife Conservation cu a manda su mes un departamento di gobierno cu e mes un abogado aki ta traha pe. Esaki ta loke minister Ursel Arends ta yama integridad ? y na unda cu su mes un persona tin e cartera di integridad y ta maneha di e manera aki cu pueblo su cartera.
Segun Politico Otmar Oduber Lamentablemente tur e puntonan cu a inicia bao di e gobernacion cu tabatin anterior cu Otmar Oduber tabatin e honor unda cu bao di cada un di e terenonan aki a percura pa bin cu un maneho unda cu directie Natuur en milieu hasta a haya un edificio nobo renoba na San Nicolas y tabata involucra na decisionnan cu ta wordo tuma y awe e pregunta grandi ta keda, ken ta esun cu por a conseha pa duna e aanlegvergunning di beach cu Embassy Suit a pidi? No tabata e propio DNM ? awo e pregunta ta keda na ken Minister Ursell Arends ta bay pidi un conseho pa e por duna e ontheffing? No ta e mes un DNM cu a duna OK den e aanlegvergunning ? Of minister Ursell Arends cu ya caba den varios ocasion ta demostra cu e no ta integro lo hala e departamento di DNM un banda y ta sigui conseho di su amigonan y of esunnan cu ta patronisa su campaña politico, of esunnan cu ta dicidi pe pafo di gobierno debi cu e no tin e capacidad pa dirigi su mes un maneho segun ley y reglanan di e departamentonan concerni pa hiba un maneho di gobierno. Ta importante pa mira e tipo di movecionnan aki di e maneho di minister Arends y sigur un investigacion ta na su luga.
Potret vozpopuli
1 comment
[…] Source link […]