CuracaoFeaturedInternacional

Ministerio di Economische Ontwikkeling (MEO) Ronny Cornelis : Actualmente ta atendiendo e bienestar general di Corsou pero tampoco no por mata e economia

Ronny Cornelis

Loke cu tur hende mester realisa ta cu bida no ta mes un cos cu antes mas. E cantidad di cifranan di COVID cu ta subi na Corsou ta drasticamente, pero e tin un pakico. Desde cu COVID a yega nada no ta normal mas y mundo henter mester bay biba den un normal nobo. Ronny Cornelis di Ministerio di Economische Ontwikkeling (MEO) ta duna di conoce cu tin mal uzo di regla durante actividadnan.
Segun Cornelis e responsabilidad final ta di doño di e actividad y Ministerio di Economische Ontwikkeling (MEO) lo sigui controla y actua. Sinembargo tambe ta kere cu e personanan mester ta consciente cu nan mester cumpli paso tin regla y no paso tin control.
MEO a haci diferente control nan na porta di actividadnan cu a tuma luga na Corsou y ta laga hopi di desea. E responsabilidad na porta ta di e organisado y no di gobierno. Loke cu a ripara ta na momento cu MEO ta presente na porta di e actividad tur cos ta cana nechi segun plan , pero manera cu bandona e sitio tur cos ta bay for di man.
Sinembargo MEO no lo por keda constantemente eynan para henter e anochi. E situacion aki ta di lamenta, e organisado mester ta mas consciente cu mester sigui e reglanan conforme e palabracionnan.
Berdad na momento cu tin algun di persona ta bin y nan no por drenta e negoshi ta perde, pero loke ta hopi importante ta pa pone e cosnan den balans di kico ta mas importante e salud of bo estado financiero.
Actualmente ta atendiendo e bienestar general di Corsou pero tampoco no por mata e economia y lo mester cuminsa un caminda. Pesey mes ta stipula un suma di hende sinta na mesa cu distancia social y despues di tres siman lo evalua con e medidanan ey lo a cana. Segun Ronny Cornelis 100 hende ta hopi pero tog mester pone tur situacion den balans pa asina e economia tambe drey.

Related posts

Prome Minister Evelyn Wever-Croes: Ta felicita y gradici Cuerpo Policial di Aruba pa semper a traha den bienestar, y pa seguridad di pais Aruba

EA News Author

Subida di sueldo minimo Entrante 1 di januari 2024 pa Boneiro, Sint Eustatius y Saba

EA News Author

“Aruba su turismo, su desaroyo, reto y oportunidadnan” a wordo comparti cu e gremio sindical

EA News Author

1 comment

Leave a Comment

Whatsapp Message