Den aula di John F Kennedy Education Center a haci entrega di premio na e gruponan cu a participa na festival di Dia Mundial di Diversidad Cultural.
Ta gradici tur participante organisacion y tur e diferente gruponan cultural di nan Pais unda cu nan a participa na e celebracion di 20 aña di encuentro cultural na Aruba, pero tambe a celebra e prome lustro di conmemoracion oficial di dia mundial di diversidad pa dialogo di desaroyo. Dia Mundial di Diversidad Cultural pa dialogo y desaroyo cu a keda proglama pa UNESCO. A gradici tur e gruponan di diferente nacionalidad cu a participa y e mensahe cu a ser hiba ta pa tin Paz entre culturanan. director drs. Siegfried Dumfries tabata presente na e ocasion y a gradici tur esna presente.
Ray-anne Hernandez representante di UNESCO Aruba tambe tabata presente riba e anochi special aki di reconocimento di Dia Mundial di Diversidad Cultural na cada grupo cu a participa na e anochi. Ray-anne Hernandez ta idica cu cada grupo cu a participa tabata di sumo importancia pa por manda e mensahe di union y paz. Pa representante di UNESCO tabata importante pa cada grupo compronde con importante e participacion di nan tabata.
80 aña pasa segunda guera mundial a caba y na final di e guera mundial e lidernan mundial a bini hunto nan a dicidi cu guera no por mas y cu mundo mester di Paz. Pa e motibo aki mes a dicidi lanta nacionnan uni “United Nations” cu na november 1945 a lanta un otro organisacion independiente cu yama UNESCO cu ta e organisacion educacional cientifico y cultural di nacionnan uni. Esaki a wordo lanta pa asina e pueblo nan stop di papia solamente riba politica y forma tratado na Paz , pero pa cuminsa educa e serhumano tocante Paz, con nos ta hinca Paz den e mente di e serhumano. Segun representante di UNESCO Ray-anne Hernandez esaki por hacie solamente atrabes di educacion, conocemento y respet pa cultura di un pa e otro.
Despues di segundo guera mundial ora cu lidernan mundial a bini hunto y dicidi cu guera no y mundo mester di Paz, ta kere cu lo logra esaki atrabes di educacion, conocemento y respet pa cultura di un pa e otro.
Segun representante di UNESCO Ray-anne Hernandez esaki ta netamente e importancia di dia 21 di mey cu ta celebra e diversidad cultural no solamente riba nos isla , pero mundialmente.
