Bureau City Inspector (BCI) lo duna su sosten activo na e di dos edicion “Cuida Aruba “. Sinembargo, ta haci un yamada urgente na comunidad pa tene na cuenta cu e tipo di sushinan cu Si ta permiti pa hiba y esnan cu NO por wordo recoloca.
Maurits Dijkhoff, representante di Bureau City Inspector, ta duna di conoce cu durante e accion di limpiesa aki, lo tin un separacion estricto riba e sorto di materialnan cu ta permiti pa benta afo.
Kico ta e sushinan cu NO por wordo hiba?
Den e categoria di desperdicio cu no ta cay bou di e campaña di limpiesa aki y cu comunidad mester tene na cuenta cu ne, ta encera:
• Sushi di cas: Manera sushi di cushina of di baño.
• Material kimico
• Asbest
• Bestia morto.
• Material medico.
Dijkhoff ta splica cu Bureau City Inspector hunto cu e boluntarionan lo ta encarga pa guia e proceso y indica claramente cual ta e sushinan cu si por wordo saca pa e limpiesa aki, y cua ta keda exclui.
Ta pidi cooperacion di henter comunidad pa asina evita confusion y sigura un maneho di sushi limpi y responsabel durante e weekend di limpiesa.