LocalFeatured

Relaciona cu construccion di tanki nobo: Di 13 pa 18 di juli Web lo haci control di presion di awa den barionan di Noord

Whatsapp Image 2022 07 11 At 11.36.13 Am

Relaciona cu construccion di un tanki nobo lo saca tanki di Altovista for di servicio, pa por haci algun control di presion. Esaki ta tuma lugar dianan 13 te cu 18 di juli proximo. Consecuentemente e regulacion di presion di awa pa barionan Noord, Alto Vista, Camay, Eagle, Boegoeroei, Sero Pela, Curimiao, Bubali, Cunucu Abou, Pos Abou, Washington, Palm Beach y Saliña Cerca lo sosode cu ayudo di pompnan. No ta premira cu habitantenan lo sinti un diferencia grandi den presion di awa durante e periodo di trabou.

Construccion di un tanki nobo na Alto Vista ta forma parti di WEB Aruba su proyecto grandi pa upgrade e red di distribucion di awa di bebe di Aruba. Den e añanan venidero lo haci trabou di upgrading tanto riba e tankinan como riba e tuberia di WEB. Esaki ta necesario pa WEB por keda ofrece awa di calidad segun e demanda pa awa ta crece.

En caso cu cliente nota un cambio drastico di presion di awa durante e controlnan di presion di awa, por yama Call Center di WEB Aruba na 280-4600. WEB ta haci su maximo esfuerso pa limita e inconveniencia y ta gradici di antemano pa e comprension.

 

Related posts

Lider di AVP Mike Eman: AVP tin e vicion pa energia alternativo

EA News Author

Campaña di vacunacion escolar ta continua Seccion Cuido Salud Hubenil lo ta bishitando scolnan pa vacuná

EA News Author

Biblioteca nacional cu diferente actividad den luna di maart

EA News Author

Leave a Comment

Whatsapp Message