Politica

Rocco Tjon: Cumbre di Ministernan di Husticia cu palabracion concreto pa KPA, KIA y CEA


ORANJESTAD,Aruba

Siman pasa e Cumbre di Ministernan di Husticia di Reino a yega na diferente palabracion di balor agrega pa Cuerpo Policial, Instituto Corecional y Cuerpo Especial Arubano. 

COPERACION PA MATERIAL,CURSO Y TRAINING

A yega na palabracion cu lo structura y intensiva e coperacion pa loke ta “overname” di vehiculonan y material specialisa pa KPA, CEA, brandweer y BOT/K9. Esaki ta sumamente importante ora tene na cuenta cu hopi biaha e intercambio ta pega door di burocracia.

Un otro decicion importante cu e Cumbre a tuma ta pa e College van Korpschefs yega na un plan di coperacion riba tereno di training y cursonan, conhuntamente cu Dienst Speciale Interventies. Esaki lo ensera cu e teamnan di aresto lo sigui haya trainingnan specialisa. Un paso sumamente importante mirando e desaroyo actual den nos region.

COLABORACION CUMBRE Y IPKO

Durante e Interparlementair Koninkrijksoverleg (‘IPKO’) a dicidi pa urgi e ministernan di Husticia pa institui un Task Force cu lo bay inventarisa y bin cu recomendacionan pa cu e circumstancianan di dentenshon den e institutonan penitenciario.

Nos ta satisfecho cu Minister di Husticia. A. Bikker a logra yega na un palabracion concreto riba e topico aki siman pasa. Esaki ta cuadra tambe den e plan cu tin pa yega na un instituto corecional nobo, cual proceso ta avansando.

PA CONCLUI 

A base di e ultimo reunionnan Interparlamentario y e Cumbre di Ministernan nos ta wak con e dos plataformanan aki por complementa otro y yega na pasonan significante cu ta di balor agrega. Di e banda aki nos ta bolbe enfatisa cu nos ta satisfecho cu e trabounan desplega door di Minister di Husticia durante e ultimo reunionnan na Corsow.

Related posts

Minister Andin Bikker a reuni cu Embahador di Reino Hulandes staciona na Venezuela

EA News Author

Minister Dangui Oduber APA a presenta su Masterplan pa e proximo 10 anjanan

EA News Author

Parlamentario Endy Croes: Logronan di Gobierno

EA News Author

Leave a Comment