BonaireCuracaoFeaturedLocal

Secretario di Estado di Husticia y Seguridad ta bishita Aruba, Corsou y Boneiro

Secretario Di Estado Di Husticia Y Seguridad Ta Bishita Aruba Corsou Y Boneiro

Secretario di Estado di Husticia y Seguridad, Eric van der Burg, ta realisa un bishita di trabou di cuater dia na e parti Caribense di Reino. Di 22 di oktober te cu 25 di oktober e ta bishita seguidamente Aruba, Corsou y Boneiro. Pa medio di combersacionnan cu colaboradornan, organisacionnan y diferente bishita di trabou lo informa e secretario di estado di e maneho di immigracion, di e forma con ta atende cu trato y contrabanda di hende y cu maneho fronteriso riba e islanan. Proposito di e bishita ta pa keda na altura di e situacion actual y di e problematicanan di immigracion riba e islanan.

Cooperacion ta central durante su bishita na Aruba. Por ehempel riba tereno di implementacion di e Ley di Reino tocante Nacionalidad Hulandes, riba tereno di cooperacion entre autoridadnan fronteriso y a traves di ponementu di enfoke riba posibel optimalisacionnan den e cadena di immigracion. Tambe lo discuti e supervision di frontera.

E bishita ta continua na Corsou unda lo mantene e secretario di estado na altura di e maneho di immigracion y e forma con ta atende cu trato y contrabanda di hende. Tambe lo tene combersacionnan cu organisacionnan no-gubernamental, wardacosta y Koninklijke Marechaussee.

Na Boneiro e secretario di estado ta cuminsa su bishita cu un combersacion cu colaboradornan di e cadena di immigracion. Aki tambe palabracionnan tocante trato 

y contrabanda di sernan humano y control di frontera ta riba e programa. Ademas lo discuti detencion di stranheronan y e secretario di estado ta papia cu colegio ehecutivo. Ta conclui e bishita na e islanan cu apertura di e conferencia anual di leynan di immigracion.

Related posts

Soga a comete blunder tras di blunder pa proyecto di hospital

EA News Author

Kolaborashon entre entidat públiko Boneiru i forma ta oumentá oportunidat pa empleo

EA News Author

Minister Thijsen a atende torneo di Softball Arubiano na Zoetermeer

EA News Author

Leave a Comment

Whatsapp Message