No ta un secreto cu pa basta aña largo caba mando di cuerpo policial mester un direccion y mester un mando fuerte pa tuma accion y cambionan cu tin den cuerpo policial.
Sinembargo na momento cu ta trata casonan di polis KPA ta keto. Alto Comisario Ramon Arnhem for di inicio a hunga un rol esencial pa KPA na momento cu tabatin basta desunion y a trece union bek den mando. Sinembargo no a mira direccion y ehecucion di proyectonan y direccion cu kier pa Cuerpo policial cana.
Tin entendi cu tambe tin hopi scenarionan ta pasa bou di dak di KPA cu no ta mira cambio y luz di dje. EAnews su mesa di redaccion a ricibi e noticia cu combersacionnan fuerte a keda atendi y cu posiblemente Alto Comisario Ramon Arnhem no lo t’ey mas pa augustus y cu ex hefe di Polis Vanessa Kock lo tuma su posicion over bek.
No ta un secreto cu despues cu ex casa di Vanessa Kock a bira minister debi cu nan ta casa e ta un conflicto di interes, asina tambe e politico a pone pa su casa e tempo ey kita como hefe di KPA. Un situacion no mucho bunita cu a pasa cu e ex hefe di Polis Vanessa Kock. Sinembargo mirando e desaroyonan cu a tuma luga ultimo e decision probablemente lo a cay cu Hefe di Polis Ramon Arnhem lo t’ey te cu luna di augustus na Aruba como korpschef.