Parlamentario Xiomara Maduro den un entrevista ta duna di conoce cu Aruba a keda cu un surplus y cu mester por uza esaki inteligentemente pa pueblo di Aruba. Na momento cu un persona keda tuma pa traha pa un mandatario e ta pa diferente motibonan, sea cu e mandatario tin e suficiente confiansa den e persona pa por traha cu e gabinete pero no ta solamente e mandatario por dicidi esaki pero departamento di Recurso Humano DRH lo mester tuma tur documento cu e persona mester por mustra cu su diplomanan cu e ta apto pa e trabou unda cu e mester ilustra esaki den un CV.
Parlamentario Xiomara Maduro ta indica cu a compronde cu gobierno actual cu e Minister di finansas ta dunando coordinador nan salario nan di minister y di parlamentario, aki ta papia di 9 mil , 11 mil y hasta por a compronde cu 22 mil ta wordo duna na coordinador nan como salario. Segun Parlamentario Xiomara Maduro aki ta trata di salario nan insolito cu no a mira den gobernacion di MEP. Sinembargo e pregunta ta keda si DHR ta bay diacuerdo cu e tipo di salario nan aki. Aunke cu no tin un prueba cu por mustra esaki, pero si ta puntonan cu ta tende den murayanan di edificio di parlamento y unda cu tin candela semper ta keda shinishi.
Na mes momento no ta solamente coordinadornan aparentemente ta wordo corona pero tambe medionan di prensa. Minister Geoffrey Wever ta viaha bay IMF y na unda cu acredita e periodista Brain Koolman pa bay hunto cu ne reunionnan importante pa loke ta trata finansas di Pais Aruba. Pa bo por drenta IMF bo mester wordo acredita unda cu bo ta un badge special pa bo por drenta.
Henter e proceso aki Minister Geoffrey Wever a percura pa Brian Koolman y pa loke ta trata Telearuba cu ta e planta nacional ta keda hala un banda y atras pa un hoben periodista cu awe ta haya trabou como Fractiemedewerker di fraccion di AVP un persona cu na e momentonan aki si no ta hera tin un taakstraf y ta haciendo trabou pa cumpli cu su taakstraf den e caso di portofon di polis unda ta tuma informacion di radio di polis algo cu pa ley no por, segun parlamentario Xiomara Maduro. Pero awe e e mes un Brian Koolman aki ta wordo premia y ta traha como fractiemedewerker di AVP.
Parlamentario Xiomara Maduro ta indica cu na momento cu AVP ta na mando nan ta percura pa uza tur tipo di forsa pa pone institutonan sucumbi pone nan traha contra ley. Segun Parlamentario Xiomara Maduro e personanan cu ta haci cosnan contra di ley e personanan ey AVP y FUTURO ta tuma na trabou y paga nan un suma hopi halto segun parlamentario Xiomara Maduro. Door di e operacion aki Aruba ta haya su mes cu casonan insolito. di e manera aki e surplus a bay den un cera di wowo y e pueblo no a haya beneficio di dje.
