Tourism Corporation Bonaire (TCB) a rekonosé seis wéspet prosedente di Merka, Alemania i Hulanda komo embahador di Boneiru.
E wéspetnan ku a keda rekonosé ta Rick i Ria de Poorter ku ta bishitando Boneiru pa 10 aña konsekutivo i a risibí feneta di bròns. Stefan i Birgit Kuhn ta bishitando Boneiru pa 23 aña i nan a risibí feneta di oro, miéntras Bill i Eileen Conklin ta bishitando Boneiru pa 35 aña i a risibí un plakat ku ta hasi nan embahador di platina.
TCB a felisitá tur e embahadornan nobo di Boneiru i a yama nan danki pa skohe Boneiru komo nan destinashon preferí pa fakansi.
