Edishon ‘Summer’
Tourism Corporation Bonaire (TCB) ta bai organisá su di tres Taste of Bonaire pa e aña aki den koperashon ku Curoil.
E evento ta tuma lugá riba djasabra 9 di ougùstus 2025 den Parke Wilhelmina for di 6 or di atardi pa 10 or di anochi den un tremendo ambiente ku e tema “Summer”.
E programa ta kargá ku músika i artistanan talentoso i tin varios stènt ku ta bende kuminda lokal i internashonal. E agrupashon musikal Tes a Fesa i DJ Marv lo ta presente pa animá e anochi akí. Pa hasi e Taste of Bonaire mas atraktivo ainda tin presentashon di Brassband The Boyz i Dance Group Peru. Pa pone e ‘cherry’ riba e bolo lo tin presentashon di e kantidatanan pa Miss Teen Bonaire 2025 na públiko.
Nos kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djasabra 9 di ougùstus 2025 na e di tres Taste of Bonaire ku e edishon ‘Summer’ den Wilhelmina Park patrosiná pa Curoil.
Pa mas informashon por tuma kontakto ku TCB na telefòn 717-8322 òf manda un email pa sr. Angelo Domacasse na angelo.domacasse@bonaireisland.com.
