Durante luna di yüli Tourism Corporation Bonaire (TCB) a honra 1 persona komo Embahador di Boneiru. Tambe luna di oùgùstus a kuminsá ku rekonosimentu di 4 persona ku komo embahador.
Riba djabièrne 14 di yüli, Dave Trinka prosedente di Merka a keda rekonosé komo Embahador di Boneiru. Dave Trinka ta bishitando Boneiru pa 18 aña konsekutivo. E seremonia di rekonosementu a tuma lugá na Captain Don’s Habitat i tabata bou di guia di Helen Mercera. E akto ofisial tabata na enkargo di Valerie Trenidad, kende a entregá Dave Trinka su feneta di plata ku ta korespondiente na e kantidat di añanan ku e ta bishitando nos isla.
Riba djaluna promé di oùgùstus, TCB a duna rekonosimentu na kuater wespet prosedente di Merka. E siguiente personanan a haña rekonosementu komo embahador: Renee Rousch ku ta bishitando Boneiru pa 10 aña konsekutivo a risibí feneta di bròns. Gregory i Beverly McGowan, un pareha ku anualmente ta trese nan grupo di sambuyá Boneiru konhuntamente ku Mary Kay Hood. Nan a keda honrá ku feneta di plata pa nan 15 aña di bishita na Boneiru.
Helen Mercera i Virgy Balentin di TCB a hasi e akto ofisial, mientras ku General Manager di Captain Don’s Habitat Claire Sealy a hasi entrega di e feneta korespondiente na e embahadornan.
Representantenan di TCB a yama danki na nos embahadornan pa skohe Boneiru komo nan destinashon pa pasa vakansi, i a gradisí nan tambe pa tur e añanan ku nan ta trese bishitantenan i amigunan nobo pa konosé nos dushi isla.
