Aruba ta desaroyando den digitalisacion pero mester ta atento di no haci mes un eror cu Europa y traha leynan prome pa no trapa riba derecho humano

1. Glenn Thode tambe ta duna les den cybercrime na Hulanda y ta tuma nota cu na e momentonan aki na Europa unda cu digitalisacion di e comunidad ta bay hopi hopi leu y lihe unda cu ta haya cosnan fisico no ta existi mucho mas, porehempel si kier bay un banco basicamente no ta haya un banco mas y na unda cu tur servicio mester bay via APP.

Tambe si kier huur un cas no por bay mas un caminda manera antes un kantoor y puntra pa inscribi pa un cas, pero nan no ta yudabo y ta notifica cu mester bay online. Esaki ta indica cu nos mes como hende no tin control mas y ta un sistema ta selecta hende cu ta bin na remarca pa huur un cas. Esaki ta e desaroyonan cu ta tumando luga na Hulanda unda cu por bisa cu tin biaha por bisa cu e ta efectivo, pero di otro banda tambe tin biaha e tipo di software nan asina cu ta sistema digitalisa, principalmente na momento cu ta uza eficiencia  artificial.

Sinembargo actualmente na Hulanda tin un cantidad di casonan caminda cu a nota cu e sistemanan pa inteligencia artificial den nan programacion tin algo cu tin un predisposicion pa wak e na nan manera of balora algo den cierto manera debi cu ta cosnan cu nan ta programa.

Loke cu a sali afo cu hopi di e toolsnan den e sistemanan pa inteligencia artificial cu a ser uza ta discriminatorio, cu nan ta discrimina ciudadanonan y asina a prohibi pa uza e tipo di programacionnan aki den e sistema di  inteligencia artificial.

Tin un autoridad den e parti aki cu ta Autoridad “persoonsgegevens” of “data protection authority” di Hulanda y nan ta vigila si berdad ta ser uza toolsnan di inteligencia artificial cu ta trapa derechonan fundamental di hende.

Actualmente Europa tin wowo riba e parti aki y kico ta tumando luga asina hopi den diferente pais cu algun dia atras nan a caba di cumbini pa un tratado nobo cu ta bisa cu pa uza inteligencia artificial mester percura pa e inteligencia artificial tene cuenta cu reglanan di democracia y reglanan di derechonan fundamental di e ciudadanonan di Europa.

Tur e puntonan aki a keda treci padilanti pa asina trata di inspira Aruba unda cu tambe ta bay cuminsa desaroya y bay den e direccion digitalisa, pero pa tene cuenta y pa scoge bon cu ta e cuadronan necesario  pa por uza un sociedad digitalisa na fabor di hende y no viola e derecho fundamental di hende.