LocalFeatured

ATIA ta contribui na metodo di trabou di profecional nan den salud mental den nos idioma Papiamento

Atia Ta Contribui Na Metodo Di Trabou Di Profecional Nan Den Salud Mental Den Nos Idioma Papiamento

Dia 19 di oktober 2022 ATIA a brinda e oportunidad na Orthopedagogisch Centrum (OC) y Family Justice Center (FJC) pa organisa un seminario pa professional nan den area di psichiatria y psicologia. Despues di e seminario aki, tur profesional lo tin e posibilidad di haci test cu nan clientenan den nos mesun idioma papiamento. Esaki lo contribui na un manera mas uniforme di trabou y lo haci e trabou den area di salud mental mas asesibel. 

Den cuadro di e evento, Aruba lo haya bishita di dos profesional internacional, esta Sr. David Vinker (psychiater) for di Hulanda y Micha van de Vorst (psicologo) cu ta traha actualmente na Curacao. Conhuntamente nan a traduci diferente material di test na Papiamento y a logra cu esakinan ta wordo acredita. Esaki ta duna e oportunidad pa pasa e material over na tur profesional di Aruba cu ta traha cu e testnan aki. Te awor na Aruba ta usa testnan na Ingles y Hulandes, cual nan ta traduci verbalmente na Papiamento. Den practica esaki ta haci cu palabranan ta wordo cambia of usa diferente, cual ta haci e manera di test inconsistente. Cu e testnan na Papiamento tin un solucion na caminda. 

Durante e dia di e seminario a duna atencion na e importancia di haci test den idioma materno y tambe e sciencia tras di esaki. Tambe a tuma tempo pa pasa dor di e testnan y train esakinan cu otro. A participa total un grupo di 30 profesional, consistiendo di psicologonan y psychiaters. 

Orthopedagogisch Centrum y Family Justice Center ta wak e desaroyo aki importante pa Aruba, mirando cu e ta mehora servicio na cliente y tambe e efectividad di trabou. E ta un paso chikito, pero un paso importante. ATIA a haya e peticion pa contribui cu e facilidad pa duna e seminario y a haci esaki gustosamente, mirando e importancia di e topico, especialmente despues di e pandemia.

Atia Ta Contribui Na Metodo Di Trabou Di Profecional Nan Den Salud Mental Den Nos Idioma Papiamento3Atia Ta Contribui Na Metodo Di Trabou Di Profecional Nan Den Salud Mental Den Nos Idioma Papiamento2

Related posts

Detenshon relashoná ku kaso di menasa I /of instigamentu contra pol

EA News Author

No ta aumenta schoolgeld y ningun werkster lo perde trabou

EA News Author

Parlamentarionan ta huramenta awe mainta

EA News Author

Leave a Comment

Whatsapp Message