Durante di celebracion di 40 aña status aparte y 50 anja di nos Himno y Bandera , despues cu a marcha cu a bandera grandi y hisa esaki na cede di MEP , Lider di MEP Evelyn Wever Croes a hiba palabra na tur esnan presente.
E deseo di nos pueblo pa ta baas den nos propio cas ta algo cu a cuminsa na comienso di siglo 20. E tempo ey taata mira cu miho Aruba mes tuma su decisionnan y no keda depende di Corsou. Politiconan manera Henny Eman, Shon A Eman , Juancho Irausquin a canalisa e deseo di e pueblo di Aruba pa ta Baas den nos mes un cas y a haci un accion di firma unda cu 2147 firmante a firma y e firma nan aki a wordo entrega na la Reina dia 18 di maart 1948.
Segun Lider di MEP su welo Panchico tambe a firma , pero mes un cos cu su welo y e otro cuidadano nan a sinti nan mes defrauda despues cu e lista a wordo entrega e lucha pa Aruba ta baas den su mes un cas a wordo bandona den man di Eman.
Pa varios aña e fecha no a wordo celebra, pero ta na anja nan fin di 60 comienso di 70 na momento cu Betico Croes a drenta arena politico awe e Libertador y fundado di partido Movimiento Electoral di Pueblo.
Betico Croes a haci su mision di bida pa realisa e anhelo di nos pueblo pa asina nos pueblo Arubiano ta liber cu por tuma su propio decisionnan, pero e lucha aki no tabata uno facil. Tabatin hopi sacrificio , humiliacion . cuestionamento y atake cu e tuma luga na Aruba y na Hulanda.
Sinembargo Betico Croes y tur esnan cu a lucha cu Betico e tempo ey no a rindi pero nan a persisti. Cu nan persistencia riba un 12 di Maart 1983 durante di un conferencia di mesa rondo na Hulanda e palabranan historico di e ex prome minister di Hulanda Ruud Lubbers a rezona “ de kogel is door di kerk” Aruba ta haya su status aparte.
Sinembargo na momento cu Aruba a haya su status aparte esaki no a bay sin condicion, Aruba ahaya su status aparte dia prome di januari di 1986 cu e condicion cu Aruba ta bira independiente prome di januari di 1996.
Sinembargo e logro pa Aruba por a haya un status aparte ta un logra grandi y henter e pueblo di Aruba a uni y a celebra. No ta un secreto cu Betico Croes a dedica su bida pa nos como Arubiano tin liberdad. Betico Croes a construi e cas cu yama Pais Aruba, pero lamentablemente e mes no por a biba pa wak e liberdad cu e la duna nos. Betico Croes a duna e cuidadano nan di Aruba e yabi di Pais Aruba , pero awo ta keda na nos awo cu e compromiso pa nos conserva, mantene y proteha nos libertad.
Segun Lider di MEP BEtico Croes a vosifera cu e lo laga Aruba cu un clompi di diamante y si un hende mishi cu ne esey kiermen “ Guerra “,
Lamentablemente Betico Croes no a biba pa mira cuanto progreso y bienestar e status aparte a trece pa Aruba, pero ainda tabatin e condicion di independencia den 10 aña. Pa e tempo ey ex prome Minister Nelson Orlando Oduber y esnan cua lucha cu ne pa logra scrap e fecha di independencia na 1993 y asina Aruba a sigura su mes cu e status aparte cu Aruba a lucha pe ta un Status Aparte di berdad cu contenido y cu yun hende no por kite for di nos, asina lider di partido MEP a vocifera den un speech durante di celebracion un anochi prome cu 12 or di anochi pa ta 18 di Maart pa celebra 40 aña di status aparte y 50 aña di nos Himno y Bandera na Cede di MEP na St. Cruz.
Esnan presenta na Cede di MEP por a disfruta di un dushi ambiente cu diferente gruponan cu a canta y gupo di betico, pero tambe diferente tent nan di cuminsa y un bunita exposicion cu ta conta e historia real cu tur e pruebanan cu mucha , hoben y adulto por pasa mira y haya sa di e storia real di logro di status aparte y e firmantenan cu a firma pa Aruba haya mas autonomia .
