Hefe di Bombero i Koordinador Nashonal di Desaster (NDC) di Ofisina di Maneho di Desaster (ODM), Clive Richardson, ta hasi un yamada na habitantenan i komunidat komersial pa keda vigilante i monitor e reportahenan di tempu lokal di Meteorological Department of St. Maarten (MDS): www.meteosxm.com of bishitá nan página di Facebook: Facebook.com/sxmweather/, den konekshon ku temporada di horakan di Atlántiko 2026.
E pronóstiko mas resien di yüli di Colorado State University (CSU) ta indiká ku temporada di horakan 2026 ta sperá di ta hopi bou di normal, ku nuebe tormenta ku nòmber, kuater horakan i un horakan mayor (Kategoria 3 of mas haltu).
Maske e pronóstiko aki ta sugeri ménos tormenta ku e promedio históriko, e no ta eliminá e rísiko pa Sint Maarten. Pronóstikonan estashonal ta estimal e nivel general di aktividat di siklon tropikal, pero nan no por predikí unda of ki ora tormentanan individual lo desaroyá of yega tera. Ta solamente un tormenta tropikal of horakan pasando serka of dirèkt riba e isla pa kousa daño signifikante, interumpí servisio esensial i menasá bida.
P’esei, e Ofisina di Maneho di Desaster (ODM) ta rekordá habitantenan i komunidat komersial ku preparashon nunka mester wòrdu basá solamente riba pronóstikonan estashonal. Kada temporada di horakan mester wòrdu atendé ku e mesun nivel di preparashon, sin importá si e ta wòrdu pronostiká komo riba normal, serka di normal, of bou di normal.
Preparashon ta un responsabilidat kompartí. Aktua awe, miéntras kondishonnan di tempu ta faborabel, ta hopi mas fásil i efektivo ku hasi preparashonnan di último minüt ora un tormenta ta aserkando.
E komunidat ta wòrdu urgí pa siña mas tokante e peligronan di horakan i e rekursonan ku bo tin mester pa prepará bo famia, kas of negoshi pa un horakan dor di bishitá e wèpsait di gobièrnu: www.sintmaartengov.org/hurricane, kaminda bo por download bo “Hurricane Season Readiness Guide” i “Hurricane Tracking Chart.” Pa informashon ofisial, skucha SXMGOV 107.9FM of sigui e página di Facebook @SXMGOV.
Kòrda, ta solamente un horakan ta nesesario pa hasié un mal temporada. Keda vigilante i prepará! E temporada di horakan ta kaba dia 30 di novèmber.
