Riba diabierna atardi e parada di Zomer Carnaval na Hulanda a tuma luga. E parada a cuminsa na Blaak y ta sigui un ruta di cinco kilometer dor di centro di ciudad di Rotterdam. E parada ta un parada colorido di bailadonan,fanaticonan di Carnaval y esnan cu ta gusta musica cu ta plama e atmosfera di Carnaval di zomer rond di e Ciudad. E “King” y “Queen” ta habri y ta lidera e parada, sigui pa hopi di e decena di carnavalistanan den diferente grupo y trahe carnavalesco. E carnaval di zomer ta reuni tur aña decenas di miles di hende y ta sigui tradicionnan di carnaval di e islanan den Caribe. Sinembargo loke cu ta resalta ta cu den e zomer carnaval na Hulanda ta halsa y trece padilanti loke ta e cultura Arubiano, por mira e bandera y e colornan di Aruba ta briya mas cu e trahe y fantasianan cu gruponan local na Aruba ta trece padilanti den nan parada na Aruba.
